ماسکو (این این آئی)روسی وزارتِ دفاع نے دعوی کیا ہے کہ روسی فوج نے بحیرہ اسود میں یوکرینی جزیرے زمینائی آئی لینڈ پر قبضہ کرلیا ہے۔میڈیارپورٹس کے مطابق روسی وزارت دفاع نے دعوی کیا کہ ہم نے یوکرین کی118 ملٹری انفراسٹرکچر سائٹس تباہ کر دی ہیں۔وزارت دفاع نے کہا کہ چرنوبل پاور پلانٹ کی حفاظت کے لیے پیرا ٹروپرز تعینات کریں گے،

ابھی پاور پلانٹ کے علاقے میں تابکاری کی سطح معمول پر ہے۔دوسر جانب یوکرینی نیوکلیئر ایجنسی کا کہنا تھا کہ مشہور چرنوبل ایٹمی پلانٹ پر روسی قبضے کے بعد تابکاری کا اخراج شروع ہوگیا ہے جو قابل قبول حد سے زائد ہے۔نیوکلیئر ایجنسی کا کہنا تھا کہ چرنوبل سے گاما شعاعوں کا اخراج بڑھا ہے، اس صورتحال میں اس کی وجہ معلوم کرنا مشکل ہے۔