اسلام آباد (این این آئی)پولینڈ میں پاکستانی سفارت خانے کے بیان کے مطابق پاکستانی شہری 15 روز کے اندر زمینی راستے سے پولینڈ میں داخل ہوسکتے ہیں۔جاری اعلامیہ کے مطابق پاکستانی سفارت خانے نے کہا کہ تمام افراد کیلئے کورونا 19 کی پابندیاں اور ویکسینیشن کی شرط معطل کردی گئی ہے۔خیال رہے کہ روس کی جانب سے یوکرین میں حملے کے بعد ہزاروں غیر ملکی بھی دارالحکومت کیف اور دیگر شہروں میں پھنس گئے ہیں۔یوکرین میں ہزاروں پاکستانی طلبہ اور دیگر افراد بھی پھنسے ہوئے ہیں جن کی بحفاظت واپسی کیلئے کوششیں کی جارہی ہیں۔

موضوعات:پولینڈ