لاہور (این این آئی) متحدہ اپوزیشن کی طرف سے وزیراعظم عمران خان کے خلاف تحریک عدم اعتماد کے معاملے پر اپوزیشن جماعتوں نے اپنے ممبران قومی اسمبلی سے دستخط کروانے شروع کر دیئے۔نجی ٹی وی کے مطابق اپوزیشن قیادت اپنے ممبران قومی اسمبلی سے دستخط شدہ تحریک تیار کر رہی ہے۔ اپوزیشن جماعتوں نے حکومتی ممبران کی حمایت حاصل ہونے کا دعوی کر دیا ہے۔ 24 حکومتی ممبران کی حمایت کا دعوی کیا جارہا ہے۔اپوزیشن جماعتوں کے پاس اپنے 162 ممبران موجود ہیں، تحریک عدم اعتماد کامیاب بنانے کے لیے مزید 10 ووٹوں کی ضرورت ہے۔ذرائع کے مطابق پاکستان مسلم لیگ (ن) نے 16، پاکستان پیپلزپارٹی کا 6 اور جمعیت علمائے اسلام (ف)نے 2 حکومتی ممبران کی حمایت حاصل کرنے کا دعوی کیا ہے۔