کراچی(این این آئی)معروف قوال زمان زکی تاجی علالت کے باعث شہر کے نجی اسپتال میں انتقال کرگئے۔اہل خانہ کے مطابق زمان زکی تاجی گزشتہ کئی روز سے کافی علیل تھے اور اْن کا نجی اسپتال میں علاج جاری تھا جہاں وہ دوران علاج انتقال کرگئے۔زمان زکی تاجی کی نماز جنازہ پیر کے روز بعد نماز ظہر معین الدین نیازی اسٹریٹ شو مارکیٹ کی مسجد الانہ میں ادا کی گئی
جبکہ تدفین میوہ شاہ قبرستان میںکی گئی۔زکی زمان تاجی کا گھرانہ شعبہ قوالی میں عرصہ دراز سے خدمات انجام دے رہا ہے،ان کے نعتیہ کلام ہمیں تو مست کیا کالی کملی والے نے کافی شہرت حاصل کی،ان کی دیگر قوالیوں میں اے حسین کے نانا، داتا نے جھولی بھردی،کفر کے اندھیروں میں،سبز گنبد پر رحمت کی گھٹا چھائی ہے،روزے دی جالی چھوم لین دے شامل ہیں۔
