سرگودھا(این این آئی)20 سالہ ٹک ٹاک نوجوان وڈیو بناتے ہوئے دریا میں ڈوب گیا۔جس کی تلاش میں سرچ اور ریسکیو آپریشن شروع کردیا گیا۔زرائع کے مطابق سرگودھا میانوالی روڈ پر شاہپور اور خوشاب کے درمیان دریائے جہلم کے پرانے پل پر ٹک ٹاکربناتے ہوئے جوہرآباد بلاک 29 کا 20 سالہ نوجوان شہزاد دریا میں گر کر ڈوب گیا

جس کی اطلاع پر پولیس اور ریسکیو 1122 کی ٹیمیں موقع پر پہنچ گئیں اور نوجوان کی تلاش میں ریسکیو آپریشن شروع کر دیا گیا۔اس موقع ڈسٹرکٹ ایمرجنسی آفیسر خوشاب حافظ عبدالرشید نے بتایا کہ جائے وقوعہ پر انسیڈینٹ کمانڈ پوسٹ قائم کر دی گئی اور ڈوبنے والے نوجوان کی تلاش کے لئے سرچ اور ریسکیو آپریشن جاری ہے۔