اسلام آباد(مانیٹرنگ ڈیسک ، این این آئی )سینئر صحافی سلیم صافی نے محسن بیگ کے معاملے میں نیا انکشاف کیا ہے ، تفصیلات کے مطابق سماجی رابطے کی ویب سائٹ ٹوئٹر پر ٹوئٹ کرتے ہوئے انہوں نے لکھا ہے کہ ۔۔۔تحریک انصاف کا اندھا انصاف۔۔۔۔ مراد سعید کی شکایت پر
ایف آئی اے نے محسن بیگ کے خلاف جو نوٹس جاری کیا ہے ،اس میں ریحام خان کی کتاب کے صفحہ 273 کا حوالہ دیاگیا ہے لیکن صفحہ 273 میں سرے سے مراد سعید کا ذکر ہی نہیں ہے ۔ یقین نہ آئے تو یہ صفحہ 273 پڑھ لیجئے۔ دوسری جانب اٹارنی جنرل خالد خان نے ایڈووکیٹ جنرل اسلام آباد نیاز اللّٰہ نیازی کے بیان کی نفی کر تے ہوئے کہاہے کہ ایڈیشنل سیشن جج کے خلاف کوئی ریفرنس نہیں آرہا۔ایک انٹرویومیں اٹارنی جنرل نے کہا کہ محسن بیگ کے کیس میں حکومت ایڈیشنل جج کے خلاف ریفرنس دائر نہیں کررہی۔اٹارنی جنرل نے کہا کہ ججز کے فیصلوں کی بنیاد پر اپیل کی جاسکتی ہے، جب تک کوئی ثبوت یا اپیلیٹ کورٹ کا فیصلہ جج کے مس کنڈکٹ کو ثابت نہ کردے، ریفرنس نہ بنائے جاسکتے ہیں، نہ بنائے جانے چاہئیں۔ایڈووکیٹ جنرل کے ایڈیشنل سیشن جج کیخلاف ریفرنس دائر کرنیکی بات پر اٹارنی جنرل نے کہا کہ ایڈووکیٹ جنرل اسلام آباد کوکوئی غلط فہمی ہوگئی ہے۔
تحریک انصاف کا اندھا انصاف۔۔۔۔ مراد سعید کی شکایت پر ایف آئی اے نے محسن بیگ کے خلاف جو نوٹس جاری کیا ہے ،اس میں ریحام خان کی کتاب کے صفحہ 273 کا حوالہ دیاگیا ہے لیکن صفحہ 273 میں سرے سے مراد سعید کا ذکر ہی نہیں ہے ۔ یقین نہ آئے تو یہ صفحہ 273 پڑھ لیجئے pic.twitter.com/OvHL8G7HGz
— Saleem Safi (@SaleemKhanSafi) February 18, 2022
