اسلام آباد (مانیٹرنگ ڈیسک/این این آئی )وفاقی دارلحکومت کراچی میں دود ھ کی قیمت میں 60روپے اضافے کا امکان ، سرکاری ریٹ کے مطابق دودھ ایک سو بیس روپے کلو جبکہ دکاندار 140روپے فی کلو بیچ رہے ہیں ، شہر قائد کی عوام کیلئے بری خبر سامنے آگئی ، دودھ کی قیمت 200روپے تک جانے کا امکان پیدا ہو گیا ۔ نجی ٹی وی اے آروائی کی رپورٹ کے مطابق دودھ پر سیلز ٹیکس عائد

کرنے پر غور کیا جا رہا ہے۔ ڈیری اینڈ کیٹل فارمرز کی جانب سے وزیر اعظم عمران خان کو ایک خط لکھا گیا ہے جس میں اس مسئلے کی طرف توجہ دلائی گئی ہے اور کہا گیا ہے کہ اگر دودھ پر سیلز ٹیکس لگایا گیا تو دودھ کی قیمتوں میں ہوشربا اضافہ ہوجائے گا۔ دوسری جانب حکومت کی جانب سے منی بجٹ میں ڈیری سیکٹر پر عائد17فیصد ٹیکس کے نتیجے میں دودھ،گوشت اور انڈوں کی قیمت میں اضافے کا خدشہ پیدا ہوگیا ہے۔ملک کے ساڑھے تین کروڑ سے زائد فارمرز کی نمائندہ تنظیم ڈیری اینڈ کیٹل فارمرز ایسوسی ایشن (ڈی سی ایف اے) کی جانب سے اس ضمن میں وزیر اعظم عمران خان کو ایک ہنگامی مراسلہ ارسال کیا گیا ہے جس میں کہا گیا ہے کہ پہلے سے تباہ حال ڈیری سیکٹر پر ٹیکسوں کے مزید بوجھ سے نہ صرف یہ شعبہ تنزلی کا شکار ہوگا بلکہ ملک میں دودھ،گوشت،مرغی اور انڈوں کی قیمتوں میں بھی اضافہ ہوجائیگا۔ایسوسی ایشن کے صدر شاکر عمر گجر کی جانب سے ارسال کئے گئے اس مراسلہ میں کہا گیا ہے کہ وزیر اعظم کی تقریر کے مطابق ملک میں40فیصدبچے غذائی قلت کا شکار ہیں اور ایسے میں ان بچوں تک دودھ،گوشت اور انڈوں کی سہولت ارزاں قیمت پر پہنچانا انتہائی اہمیت اختیار کرجاتا ہے ،ملک میں ڈیری سیکٹر پہلے ہی پیدواری لاگت میں اضافہ اور جدید تکینک نہ اپنانے کے باعث ترقی یافتہ ممالک سے کہیں پیچھے ہے،امریکا اور یورپ میں دودھ کی فی مویشی پیداوار 30تا35لٹر تک ہے جبکہ پاکستان میں ہم اپنے مویشیوں سے محض 9تا11لٹر دودھ حاصل کرپارہے ہیں،عالمی ریسرچ کے مطابق دنیا میں ان قوموں نے زیادہ ترقی کی ہے جن کے عوام نے دودھ اور گوشت کا استعمال زیادہ کیا ہے، بیوروکریسی نے اس کاروبار کو بند کر نے کے لئے ڈیری سیکٹر کی ہر چیز پر 17% سیلز ٹیکس عائد کروا دیا ہے جس کی وجہ سے نہ صرف موجود کاروبار بند ہونے کے قریب ہیں بلکہ مستقبل میں نئی سرمایہ کاری بھی رک جائے گی اور اس ٹیکس کے اثرات کی صورت میں عوام مہنگا دودھ،گوشت،مرغی اور انڈہ خریدنے پر مجبور ہوگی ،انہوں نے اس خدشہ کا بھی اظہار کیا کہ رواں ماہ بھی ممکنہ طور پر دودھ کی قیمت میں مزید اضافہ ہوسکتا ہے اور ڈیری فارمرز کی جانب سے ہم پر دودھ کی قیمت میں 30تا40روپے لٹر اضافہ کیلئے شدید دباؤ ہے۔