عمان (این این آئی)اسرائیلی جاسوسی سافٹ ویئرسے اردنی شاہی دربار کے عہدیداروں کے موبائل ہیک کیے جانے کا انکشاف ہوا ہے،میڈیارپورٹس کے مطابق اردن میں تقریبا 200 فون ہیک کیے گئے ۔ ہیک ہونے والے موبائل فون میں ہاشمی ممکت کے شاہی دربار کے عہدیداروں کے موبائل

فون بھی شامل ہیں۔ یہ موبائل اسرائیلی سپائی ویئر کے ذریعے ہیک کر لیے گئے۔واشنگٹن میں ایک ذریعہ کے حوالے سے کہا گیاکہ انہیں یقین نہیں ہے کہ متنازعہ پیگاسس اسپائی ویئر استعمال کیا گیا تھا، لیکن اسرائیل کی داخلی سلامتی کمیٹیاں اس واقعے کی تحقیقات کر رہی ہیں۔جن لوگوں کے فون ہیک کیے گئے ان میں سرگرم کارکن ہالا اھد دیب، صحافی دیما فراج، سیاست دان مصطفی حمارنہ، نیشنل اولمپک کمیٹی کے ارکان اور مقتول سعودی صحافی جمال خاشقجی کی اہلیہ حنان العتر کے موبائل شامل ہیں۔اردنی سینیٹر الحمارنہ نے کہا کہ انہیں ایک اطلاع موصول ہوئی ہے کہ ان کا فون فروری اور نومبر 2021 کے درمیان ہیک ہو گیا تھا، خاص طور پر رابطہ نمبر، تصاویر، واٹس ایپ پیغامات اور ای میلز کو ہیک کیا گیا۔