لاہور( این این آئی)مالی سال 22-2021 کے سات ماہ میں ایف بی آر کو موصول ہونے والے ٹیکس ریونیو میں 30.4 فیصد اضافہ ہوا ۔ایف بی آر کے مطابق جولائی تا جنوری 3352 ارب روپے ٹیکس اکٹھا کیا گیا جو کہ گزشتہ سال موصول ہونے والے 2571 ارب روپے کے ٹیکس سے 30.4 فیصد زیادہ ہے۔ایف بی آر کے مطابق صرف جنوری 2022 میں 430 ارب روپے کا ٹیکس ریونیو جمع کیا گیا جوکہ گزشتہ سال اسی ماہ

موصول ہونے والے 367 ارب روپے کے ٹیکس سے 17.2 فیصد زیادہ ہے۔جولائی سے جنوری کے دوران 182 ارب روپے کے ریفنڈز بھی جاری کئے گئے ہیں جو کہ گزشتہ سال اسی دوران 134 ارب روپے کے ریفنڈز سے 35.9 فیصد زیادہ ہے۔ایف بی آر کے مطابق ماہ جنوری کے آخری دن کے اختتام تک اور بک ایڈجسٹمنٹ کی مد میں حاصل ہونے والی وصولیوں کے بعدمحصولات کی تعداد میں مزید اضافہ متوقع ہے۔