ملتان (این این آئی) سینئر سیاستدان مخدوم جاوید ہاشمی نے کہا ہے کہ حکمران عوام کے جان و مال کے تحفظ میں بری طرح ناکام ہو چکے ہیں ،لاہور واقعہ میں ملوث

ذمہ داروں کو فی الفور گرفتار کرکے قرار واقعی سزا دی جائے۔ ان خیالات کا اظہار انہوں نے یوسی 13کے سابق چیئرمین و پی پی حلقہ 215کے امیدوار ایم پی اے محمود قریشی، سابق وائس چیئرمین شیخ عمران بہاری سے کی گئی ملاقات میں کیا ۔مخدوم جاوید ہاشمی نے کہا کہ بڑھتی ہوئی مہنگائی، بے روزگاری، اشیائے ضروریہ ، یوٹیلیٹی بلز سمیت پٹرول کی قیمتوں میں آئے روز اضافے نے غریب قوم کی زندگی اجیرن ہو کر رہ گئی ہے جس کی وجہ سے غریب شہری خودکشیوں اور خود سوزیوں پر مجبور ہو رہے ہیں تاہم ریاست مدینہ کے دعویداروں کو اس کی کوئی پرواہ نہیں ہے ،۔انہوں نے کہا کہ میاں شہباز شریف کی جلد صحت یابی کے لئے دعا گوہیں کہ اللہ تعالیٰ انہیں جلد از جلد صحت یابی عطافرمائے۔