اسلام آباد(این این آئی)آئی جی اسلام آباد محمد احسن یونس کی ہدایت پر قبضہ مافیا کے خلاف کریک ڈاؤن کرتے ہوئے تھانہ بنی گالا پولیس نے قبضہ مافیا کے تین ملزمان گرفتار کرلئے۔ترجمان کے مطابق بنی گالا پولیس کو شہری کی طرف سے کال موصول ہوئی کہ ملزمان اس کی اراضی پر قبضے کی کوشش کر رہے ہیں، بنی گالا پولیس نے فوری کاروائی کرتے ہوئے تین ملزمان کو گرفتارکر لیا،
ملزمان کے خلاف مقدمہ درج کر لیا گیا،ملزمان میں منیر حسین شاہ،امیر حسین شاہ اور کامران شاہ شامل ہیں۔ آئی جی اسلام آباد محمداحسن یونس نے کہاکہ اسلام آباد پولیس نے قبضہ گروپوں کے خلاف بڑی کارروائیاں شروع کردی ہیں، کسی بھی شہری کی جائیداد پر ناجائز قبضہ ہرگز برداشت نہیں کیاجائیگا۔ آئی جی نے کہاکہ ایسے گھنائونے کام میں ملوث عناصر کو قانون کے کٹہرے میں کھڑا کیا جائے گا۔
