کیلیفورنیا(این این آئی) واٹس ایپ نے اپنے ایک آپشن پر کام شروع کردیا ہے جس کے تحت صارفین کوطویل پیغامات سننے کے لیے ایپ کھلی رکھنے یا اس کا انٹرفیس سامنے رکھنے کی ضرورت نہیں رہے گی اور یوں بیک گرائونڈ میں بھی آڈیو پیغامات چلتے رہیں گے۔میڈیارپورٹس کے مطابق واٹس ایپ کے اندرونی حلقوں نے بتایا کہ لوگوں کی اکثریت نے اس آپشن پر زور دیا تھا۔ اس سے قبل واٹس ایپ نے
وائس میسج کی رفتار کنٹرول کرنے اور انہیں بھیجنے سے قبل خود سننے کا آپشن بھی پیش کیا تھا جو بہت مقبول ہوا ۔اب عوامی اصرار پر بہت جلد واٹس ایپ پیغامات کو پس منظر میں سننا ممکن ہوسکے گا۔ اس طرح وقت بچے گا کیونکہ پیغامات چلتے رہیں گے اورصارفین دیگر دوستوں کے پیغامات اور تصاویر کو دیکھ سکیں گے۔ اس طرح واٹس ایپ کے ایک آپشن سے جڑے رہنے کی ضرورت نہیں رہے گی۔
