اسلام آباد (مانیٹرنگ ڈیسک )مکران سب ڈکشن زون میں شدید زلزلے سے سونامی کا خطرہ ،محکمہ موسمیات کی رپورٹ کے مطابق مکران سب ڈکشن زون میں اتنی توانائی جمع ہو چکی ہے کہ کسی بھی وقت شدید زلزلہ آسکتا ہے۔ مکران سب ڈکشن زون میں شدید زلزلے سے سونامی کا بھی خطرہ ہے۔نجی ٹی وی کے مطابق محکمہ موسمیات نے ایک ہفتہ قبل گوادر میں سونامی سے نمٹنے کی

مشقیں بھی کی ہیں۔واضح رہے کہ گزشتہ رات 2 بجکر 22 منٹ پر گوادر سے 50 کلومیٹر دور بحیرہ عرب میں زلزلے کے جھٹکے محسوس کئے گئے، زلزلے کی شدت ریکٹر اسکیل پر 5 تھی۔محکمہ موسمیات کے مطابق زلزلہ مکران سب ڈکشن زون میں 25 کلو میٹر گہرائی میں آیا۔ محکمہ موسمیات مکران سب ڈکشن زون میں شدید زلزلے کے خدشے کا اظہار کئی دفعہ کر چکا ہے۔