اسلام آباد (این این آئی)کے الیکٹرک صارفین کیلئے حکومتی رعایتی پیکیچ،نیپرا نے موسم سرما میں کے الیکٹرک صارفین کیلئے بجلی سستی کرنے کی منظوری دے دی۔ بدھ کو نیپرا نے کے الیکٹرک صارفین کیلئے رعایتی پیکچ کا فیصلہ وفاقی حکومت کو بھجوادیا ۔ فیصلے میں کہاگیاکہ کے الیکٹرک کے گھریلو, کمرشل, جنرل صارفین کیلئے ریٹ 12.96 روپے فی یونٹ ہوگا ،رعایتی پیکج کا

اطلاق یکم نومبر 2021 سے 28 فروری 2022 تک ہوگا ۔فیصلہ کے مطابق گزشتہ سال کی نسبت زیادہ بجلی استعمال پر ریٹ 12.96 روپے فی یونٹ ہوگا ،نئے بجلی صارفین کے لیے بھی زائد کھپت پر 12.96 روپے کا ریٹ نافذ ہوگا ۔ فیصلے میں کہاگیاکہ رعایتی پیکچ کے تحت سہ ماہی ایڈجسٹمنٹ کا اطلاق نہیں ہوگا ،پیکچ کے تحت ماہانہ مثبت فیول ایڈجسٹمنٹ کا اطلاق ہوگا ۔