کوپن ہیگن (این این آئی)خفیہ معلومات لیک کرنے کے الزام میں ڈینش خفیہ ایجنسی کے سربراہ کوگرفتارکرلیاگیا،میڈیارپورٹس کے مطابق ڈنمارک کے دفاعی خفیہ ادارے کے سربراہ گزشتہ ایک ماہ سے زیر حراست ہیںتاہم اس بات کا انکشاف گزشتہ روز ہوا۔ ان پر الزام ہے کہ
انہوں نے انتہائی خفیہ معلومات لیک کی ہیں۔ڈینش میڈیا میں انکشاف کیا گیا کہ ملکی دفاعی خفیہ ایجنسی کے سربراہ لارس فنڈِسن کو انتہائی خفیہ اور حساس معلومات لیک کرنے کے الزام میں گزشتہ ماہ حراست میں لے لیا گیا تھا۔لارس فنڈِسن کے بارے میں یہ خبر ایک ایسے وقت پر سامنے آئی ، جب گزشتہ برس ڈینش انٹیلیجنس پر الزام لگایا گیا تھا کہ اس نے یورپی رہنمائوں اور ڈینشن شہریوں کی جاسوسی اور نگرانی کے لیے امریکا کی قومی سکیورٹی ایجنسی (این ایس اے)کے ساتھ تعاون کیا تھا۔بتایا گیا کہ فنڈِسن کے کہنے پر ہی ان کا نام میڈیا کو جاری کیا گیا ۔ مقامی میڈیا کے مطابق اس کیس کے حوالے سے فنڈِسن کے کچھ ساتھیوں کے خلاف قانونی کارروائی کا سلسلہ شروع کیا گیا تھا۔
