میانوالی( این این آئی)وزیر جنگلات پنجاب محمد سبطین خان گزشتہ ماہ علووالی میں اپنے اعزاز میں دیئے گئے عشائیہ میں اپنے خطاب میں جنوری میں علووالی چشمہ شیر شاہ سوری روڈ کی تعمیر شروع کرانے کے اعلان کے مطابق فوری اہم ترین روڈ کی تعمیر شروع کرا کے عوام کا دیرینہ مطالبہ پورا کریں۔ ان خیالات کا اظہارانجمن رفاع عامہ علووالی کے صدر حاجی ملک اورنگ زیب اعوان
ایڈووکیٹ محمد سعید آرائیں۔محمد نزیرعمر مانک جنرل سیکرٹری انجمن رفاع عامہ۔ماسٹر اورنگزیب صدرآرائیاں۔محمد شہزاد عرف شیدی۔محمد حنیف درکھان۔حاجی منظور دوکانداررانامختیار۔دوکان دارو دیگر علاقہ مکینوں نے اپنے مشترکہ بیان میں کیا۔انہوں نے کہا کہ وزیرجنگلات پنجاب محمد سبطین خان نے ماسٹر ملک عبدالرحمن دھروئی کی طرف سے انکے اعزاز میں دئیے گئے عشائیہ میں خطاب کے دوران علووالی کے شہریوں اور علاقہ مکینوں کو یہ اہم خوشخبری سنائی تھی کہ انکی بھر کوششوں سے وزیر اعظم پاکستان عمران خان نے علووالی چشمہ شیر شاہ سوری روڈ کی منظوری دے دی ہے اور اسکے فنڈز منظور ہو چکے ہیں وہ خود 6 جنوری 2022 کو اس ایٹم بم روڈ کی تعمیر کے کام کا آغاز کروائیں گے اس لیئے اب جلد اس روڈ کی تعمیر کا کام شروع کرایا جائے۔انہوں نے کہا کہ وزیر جنگلات پنجاب محمد سبطین خان کا یہ دیرینہ مطالبہ پورا کرنے اور اہم ترین روڈ کے تاریخی منصوبہ کو تاریخ میں ہمیشہ یادرکھا جاء گا اس لیے وہ اپنے وعدہ کو اب پورا کریں یہ انکا پوری تحصیل پر احسان ہوگا اور اس منصوبہ کی تکمیل سے علاقہ کی محرومیوں کا ازالہ ہو گا۔
