لاہور (ا ین این آئی) لاہو رکے علامہ اقبال انٹر نیشنل ایئرپورٹ پر موسم کی خرابی کے باعث ایک پرواز منسوخ جبکہ متعدد پروازیں تاخیرکا شکار ہوئیں ۔ سرین ایئرکی لاہور سے کراچی جانے والی پرواز 525منسوخ جبکہ ایئر بلیو کی لاہور سے دبئی جانے والی پرواز 410 ،ایئر بلیو کی

دبئی سے لاہور آنے والی پرواز 411،ایئر بلیو کی کراچی سے لاہور آنیو الی پرواز 406اورایئربلیو کی کراچی سے لاہور آنیو الی پرواز 402 شامل ہیں ۔ علاوہ ازیں ریلوے اسٹیشن پر بھی دوسرے شہروں سے آنے اورجانے والی متعدد ٹرینیں بھی تاخیر کاشکار ہوئیں ۔ تاخیر کا شکار ہونے والی ٹرینوں میں جعفر ایکسپریس4 گھنٹے ،پاک بزنس ایکسپریس 3گھنٹے ،کراچی ایکسپریس2گھنٹے ، تیز گام 2گھنٹے ،ملت ایکسپریس2گھنٹے ، علامہ اقبال ایکسپریس2 گھنٹے ،گرین لائن ایکسپریس 2گھنٹے ،شاہ حسین ایکسپریس ڈیڑھ گھنٹہ ،خیبر میل ایکسپریس ڈیڑھ گھنٹہ اور عوام ایکسپریس 1 گھنٹہ تاخیر کا شکارہوئی جس سے مسافروں کو شدید مشکلا ت کا سامنا کرنا پڑا ۔