جیکب آباد(آن لائن) ملک میں 25 ملین بچے تعلیم سے محروم ہیں، تعلیم کی مہنگی فیسوں کے سبب غریب کے ذہین بچوں کے لیے تعلیم کے دروازے بند کیے گئے ہیں، تعلیم مفت اور عام کی جائے، جیسے مزدور، ہاری اور محنت کش کے بچے اعلی تعلیم حاصل کر سکیں، آزادی اور عوام کی جنگ لڑنے والے ہیروز، سید تاج محمود امروٹی، شہید ڈاکٹر خالد محمود سومرو جیسے ہیروز کے اسباق نصاب میں

شامل کیے جائیں، جے ٹی آئی کی دو روزہ تربیتی کنوینشن میں مفتی سعود افضل ہالیجوی،نعیم اللہ لغاری، ڈاکٹر اے جی انصاری اور دیگر کے خطاب، تفصیلات کے مطابق جمیعت طلبا اسلام کی جانب سے دو روزہ تربیتی کنوینشن ضلعی صدر ظہور احمد کھوسو کی صدارت میں امروٹی ہال میں منعقد ہوا، جس میں بڑی تعداد میں اسکولوں، کالیجوں اور مدارس کے طلباء نے شرکت کی، دو روزہ کیمپ کی پانچ نشستیں ہوئیں، جس میں جے یو آئی سندھ کے ناظم مفتی سعود افغل ہالیجوی، جے ٹی آئی سندھ کے صدر نعیم اللہ لغاری، جے یو آئی کے ضلعی امیر ڈاکٹر اے جی انصاری، اسامہ ہالیجوی، حماد اللہ انصاری، غلام مرتضی حیدری، محکم الدین بروہی، حیدری چنہ، مولانا عبدالمالک گھنیو، انعام اللہ برڑو، مولانا عبدالقادر بنگلانی، مفتی اشفاق احمد دایو، عبداللہ عباس نوناری، تاج محمود امروٹی، عبدالحلیم گھنیو اور دیگر نے مختلف نشستوں میں مختلف موضوعات پر تربیتی لیکچر دیئے، اس موقعے پر جے یو آئی کے صوبائی ناظم مفتی سعود افضل ہالیجوی، جے ٹی آئی سندھ کے صدر نعیم اللہ لغاری، ڈاکٹر اے جی انصاری اور دیگر نے تقاریر میں کہا کے ملک کا تعلیمی نظام حکمرانوں کی نا اھلی کے سبب فرسودہ ہو چکا ہے، ملک میں پچیس ملین بچے تعلیم سے محروم ہیں، تعلیمی اداروں میں فیسوں میں اضافے کے سبب غریب ذہین طلباء تعلیم حاصل نہیں کر رہا ملک کے آئین کے تحت تعلیم مفت ہونی چائیے، اس لیے مزدور ہاری، اور محنت کشوں کے بچوں کی اعلی تعلیم مفت اور عام کی جائے، انہوں نے کہا کہ پانچوی کلاس تک قرآن شریف ناذران اورمیٹرک تک ترجمے، بی اے تک حفظ اور ایم اے تک عالم کا کورس نظام تعلیم میں نصاب میں شامل کیا جائے انہوں نے مطالبا کیا کہ سندھ کے ہیروز سید تاج محمود امروٹی، مولانا عبید اللہ سندھی، اور شہید ڈاکٹر خالد محمود سومرو کے اسباق نصاب میں شامل کیے جائیں۔