کراچی (این این آئی)عالمی شہرت یافتہ گلوکار عاطف اسلم کراچی کے ٹریفک جام میں پھنس گئے، عاطف اسلم کو بائیک پر سوار ہوکر کنسرٹ میں پہنچنا پڑا۔عاطف اسلم گزشتہ رات جب کنسرٹ کے لئے نکلے تو ٹریفک جام دیکھ کر آئودیکھا نہ تائو، موٹر سائیکل پر سوار ہوئے اور ٹھنڈی ہوا کو انجوائے کرتے ہوئے کنسرٹ کے مقام پر پہنچ گئے۔گلوکار کو بائیک پر
آتا دیکھ کر ان کے مداح خوش ہوگئے اور عاطف عاطف کے نعرے لگانے لگے۔عاطف اسلم نے بھی مداحوں کو مایوس نہیں کیا اور اپنی پرفارمنس سے ان کے دل جیت لیے۔پرفارمنس کے دوران انہوں نے اپنے مشہور گانوں سے شائقین کہ خوب محظوظ کیا۔اس موقع پر شائقین کا جوش و خروش بھی عروج پر تھا اور وہ پسندیدہ گلوکار کی پرفارمنس پر جھومے بنا نہ رہ سکے۔
