لاہور(آن لائن )قومی کرکٹ ٹیم کے کپتان بابر اعظم نے انڈر 19ایشیا کپ میں پاکستان کی بھارت کے خلاف فتح اور سیمی فائل میں رسائی پر خوشی کا اظہار کیا ہے۔بابر اعظم نے مایئکرو بلاگنگ ویب سائٹ ٹوئٹر پر پاکستان کی انڈر 19 ٹیم کی ایشیا کپ میں بھارت کے خلاف فتح پر ایونٹ میں کھلاڑیوں کی شاندار کارکردگی کی تعریف کی ہے۔انہوں نے اپنے ٹوئٹ میں لکھا کہ شاباش لڑکو! انہوں نے کھلاڑیوں کو مشورہ دیتے ہوئے لکھا کہ اس طرح

شاندار کارکردگی کا مظاہرہ کریں اور ہم سب کا سر فخر سے بلند کرتے رہیں۔ بابر اعظم نے انڈر 19 ٹیم کی مزید کامیابیوں کے لیے اپنی نیک خواہشات کا اظہار بھی کیا۔واضح رہے کہ انڈر19 ایشیا کپ کے گروپ میچ میں قومی ٹیم نے بھارت کو سنسنی خیز مقابلے کے بعد 2 وکٹوں سے شکست دی تھی۔قومی ٹیم اس فتح کے ساتھ ہی ایونٹ کے سیمی فائنل میں بھی پہنچ گئی ہے۔