کراچی(این این آئی)شہر قائد میں نامعلوم سمت سے آنے والی گولی سابق ڈائریکٹر جناح اسپتال سیمی جمالی کی گاڑی میں جا لگی، واقعے کے بعد پولیس کے اعلی حکام میں کھلبلی مچ گئی۔کراچی میں ہوائی فائرنگ کے بڑھتے واقعات خطرہ بننے لگے ہیں، رات گئے نامعلوم سمت سے آنے والی گولی ڈاکٹر سیمی جمالی کی کار پر جا لگی، گولی نے لوہے کا شیڈ بھی پھاڑ ڈالا۔رپورٹ کے مطابق واقعہ
جناح اسپتال ڈاکٹرز کالونی میں پیش آیا ، جہاں ڈاکٹر سیمی جمالی رہائش پزیر ہیں، واقعے سے متعلق سابق ڈائریکٹر جناح اسپتال ڈاکٹر سیمی جمالی نے پولیس حکام کو آگاہ کیا جس پر ایس ایچ اوصدرموقع پرپہنچے اور گاڑی کا جائزہ لیا۔اس موقع پر ڈاکٹر سیمی جمالی نے کہا کہ کراچی میں آئے روز اندھی گولی سے شہریوں کو نقصان پہنچتا ہے، یہ انتہائی خطرے کی بات ہے اس کا سدباب ہوناچاہیے۔
