اسلا م آباد (مانیٹرنگ ڈیسک)میئر مردان کے لئے ہونے والی دوبارہ گنتی میں بھی عوامی نیشنل پارٹی کے امیدوارحمایت اللہ مایار فاتح قرار پائے ہیں۔تفصیلات کے مطابق ریٹرننگ آفیسر مجیب الرحمان کے مطابق مردان میئر کے الیکشن میں ووٹوں کی دوبارہ گنتی مکمل کرلی گئی ہے

جس میں اے این پی کے حمایت اللہ ماریا کے ووٹوں میں 2 ہزار 26 ووٹوں کا اضافہ ہوا اور ان کے ووٹوں کی تعداد 58 ہزار 484 ہوگئی ہے۔نجی ٹی وی اے آروائی کے مطابق آر او نے کہا کہ دوبارہ گنتی میں جے یو آئی کے امیدوار مولانا امانت شاہ کے ووٹوں میں بھی 2 ہزار 28 ووٹوں کا اضافہ ہوا جس ان کے ووٹوں کی تعداد 51 ہزار 966 ہوگئی ہے اور وہ دوسرے نمبر پر ہیں۔آر او کے مطابق 414 پولنگ اسٹیشنوں کی دوبارہ گنتی تین دن میں مکمل کی گئی، میئر مردان کے الیکشن میں شکست کھانے والے مولانا امانت شاہ نے دوبارہ گنتی کے نتائج تسلیم کرلیے ہیں۔