اسلام آباد (این این آئی)ترجمان پیپلزپارٹی پارلیمنٹرینز شازیہ مری نے کہ اہے کہ صدر آصف علی زرداری نے پرویز مشرف کو مکھی کی طرح اقتدار سے نکالا ،عمران خان ایک ٹھوکر کی مار ہیں۔ اپنے بیان میں شازیہ مری نے کہاکہ فواد چودھری اور شہباز گل کی حیثیت بنی گالا کے شیرو سے بھی کم ہے، پی ٹی آئی ختم ہو چکی عمران خان کا اقتدار ڈوب رہا ہے ۔ شازیہ مری نے کہاکہ پی ٹی آئی حکومت نے ترجمان کینام پر جوکر پالے ہیں، قائداعظم یونیورسٹی سے ہراسمنٹ کرنے کی وجہ سے نکالا گیا شخص پی ٹی آئی کا ماما بنا ہوا ہے۔ شازیہ مری نے کہا کہ پی ٹی آئی ہر بائی الیکشن ہارنے کے بعد اب کے پی کے بلدیاتی الیکشن بھی ہار گئی، حکومتی ترجمان خوفناک شکست کے بعد اپنا دماغی توازن بھی کھو بیٹھے ہیں۔