جڑانوالہ (این این آئی ) پنجاب بھر میں محکمہ سپیشل ایجوکیشن نے ٹائم سکیل پرموشن کے تحت ملازمین کو ترقیاں دے دیں، 276 ملازمین کو پروموشن دی گئی ہے۔ محکمہ سپیشل ایجوکیشن نے ٹائم سکیل پرموشن کے تحت ملازمین کو

ترقیاں دے دیں۔محکمہ سپیشل ایجوکیشن نے 276 ملازمین کی ترقیوں کے احکامات جاری کر دیے۔ سپیشل ایجوکیشن ڈیپارٹمنٹ کی جائزہ کمیٹی کا اجلاس منعقد کیا گیا ہے۔اجلاس کی صدارت سیکرٹری سپیشل ایجوکیشن صائمہ سعید نے کی۔اجلاس میں ڈائریکٹر جنرل سپیشل ایجوکیشن پرویز اقبال بٹ سمیت دیگر افسران شریک ہوئے۔ترقیاتی سکیموں کے حوالے سے 755 ملین کی لاگت سے 25 سکیموں پر کام کی رپورٹ پیش کی گئی۔ پرویز اقبال بٹ نے اجلاس میں بتایا کہ بارہ سال سے زائد عمر کے طلبائ و طالبات کی ویکسی نیشن کا عمل بھی مکمل کر لیا گیا ہے۔سیکرٹری صائمہ سعید نے بتایا کہ آن لائن ایجوکیشن کے حوالے سے ویڈیو لیکچرز ریکارڈ کیے جارہے ہیں انھوں نے بتایا کہ پنجاب بھر کے ڈویڑنل افسران خصوصی بچوں کی تعلیمی اداروں میں انرولمنٹ مزید بہتر کریں۔