مکہ مکرمہ (این این آئی )سابقہ اداکارہ ثنا خان ان دنوں اپنے شوہر مفتی انس کے ہمراہ عمرے کی ادائیگی کے لیے سعودی عرب میں موجود ہیں۔گزشتہ روز ثنا خان نے دل موہ لینے والی ویڈیو انسٹاگرام پر شیئر کی جس میں وہ کسوہ یعنی
غلافِ کعبہ پر سونے کی تار سے کڑھائی کرتی دکھائی دے رہی ہیں۔ثنا خان کی خوشی اس موقع پر ان کے چہرے سے عیاں تھی۔میڈیارپورٹس کے مطابق انہوں نے ویڈیو کے کیپشن میں پر مسرت لہجے میں لکھا کہ میں نے کبھی خواب میں بھی نہیں سوچا تھا کہ اللہ تعالی اتنے سعادت بھرے لمحات میرے نصیب میں لکھے گا، اللہ بہت مہربان ہے۔ثنا خان نے مزید کہا کہ میں نے کبھی نہیں سوچا تھا کہ میں کسوہ کو ایسے ہاتھ لگاں گی اور اس کی سلائی کروں گی۔ان کی پوسٹ پر مداح بھی بے حد خوش دکھائی دیے اور ثنا اور ان کے شوہر کو آئندہ زندگی کے لیے بے حد دعائیں دیں۔واضح رہے کہ ثنا خان نے گزشتہ سال بھارتی ریاست گجرات سے تعلق رکھنے والے مفتی انس سے شادی کی تھی۔
