کراچی (آن لائن )قومی کرکٹ ٹیم کے آل رائونڈر شاداب خان نے شادی سے متعلق سوال کرنے والے شرجیل خان سے ہی مدد مانگ لی۔پی ایس ایل میں کراچی کنگز کے سٹار بیٹسمین شرجیل خان نے شاداب خان کے سوال و جواب کے سیشن میں حصہ لیا اور تمام چاہنے والوں کے دل میں موجود سوال کرکٹر سے کر ڈالا۔شرجیل خان نے آسک شاداب کے سیشن میں سوال کیا کہ شادی کا کیا پلان ہے اور کب؟جواب میں

سٹار آلرائونڈر نے جواب دینے کے بجائے انہی سے مدد طلب کرلی، شاداب نے جواب دیا کہ شرجیل بھائی آپ کو نمبر بھیجتا ہوں، خود ہی بات کرلیں۔خیال رہے کہ شاداب سے اکثر و بیشتر ان کے مداح شادی سے متعلق سوال کرتے دکھائی دیتے ہیں۔اس سے قبل انہوں نے کہا تھا کہ وہ خود تو شادی کرلیں لیکن گھر والے نہیں کرواتے۔