لاہور( این این آئی)ایف آئی اے نے شہباز شریف فیملی کے خلاف 16 ارب روپے سے زائد کی منی لانڈرنگ کے کیس میں 45 اکائونٹس کی تفصیلات جمع کروا دیں۔ میڈیا رپورٹ کے مطابق بے نامی اکائونٹس کے ذریعے شہباز فیملی کے اکائونٹس میں 16 ارب 34 کروڑ جمع ہوئے۔

الزمات ثابت ہونے پر ملزمان کو 7 سال قید، جرمانہ اور جائیداد ضبطی کی سزا ہو سکتی ہے۔ ایف آئی اے کے مطابق شہباز شریف، حمزہ شہباز، سلمان شہباز کو متعدد مواقع فراہم کیے گئے لیکن تمام ملزمان الزمات سے متعلق تفتیشی ٹیم کو مطمئن نہ کر سکے، شہباز شریف خاندان کے 45 اکائونٹس میں منی لانڈرنگ کی رقوم جمع ہوئیں، ۔ا یف آئی اے دستاویزات کے مطابق شہباز شریف کے نام پر 14 بنک اکائونٹس رجسٹرڈ ہیں، شہباز شریف کے نام پر 2008 سے 2018 تک ایک ہی برانچ میں 10 اکائونٹس کھولے گئے ،حمزہ شہباز کے نام پر 13 بنک اکائونٹس کھولے گئے ،حمزہ شہباز کے نام پر 2005 سے 2018 کے دوران بنک اکائونٹس کھولے گیے، سلیمان شہباز کے نام پر 2004 سے 2018 تک 18 بنک اکائونٹس کھولے گئے، کوئی بھی سرکاری افسر یا پبلک آفس ہولڈر منقولہ، غیر منقولہ جائیداد اور اثاثہ جات کے بارے میں جوابدہ ہے،اس نے اثاثے کب اور کیسے بنائے،کس کے نام پر خریدے سب کا جواب دینا ضروری ہے۔