دنیا کی مہنگی ترین اجنا س میں زعفران کو صفحہ اول پر شما ر کیا جاتا ہے اور بات اگر کی جائے اسکی پیداوار کی تو پوری دنیا میں ایران اس وقت پہلے نمبرپر ہے۔ایران میں زعفران کی پیداوار کی تاریخ تقریباََ 3000 سال پُرانی ہے۔یہ ایک چھوٹا سا پوداہوتا ہے جس کی اونچائی 10 سے 30 سینٹی میٹر تک ہوتی ہے جبکہ اس کا سائنٹیفک نام Sativuscrocusہے۔ایران میں زعفران کی کاشت خراسان ، یزد،گرمان ،گیلان اور مازندان کے صوبوں میں ہوتی ہے۔صحرا کی مٹی میں بوئے جانے کی وجہ سے اسے لال سونا یا صحرا کا سونا بھی کہا جاتاہے۔گو کہ ایران اس وقت زعفران کی پیداوار کے لحاظ سے پہلے نمبر پر ہے مگر CNN کی ایک رپورٹ کے مطابق ایران کو چونکہ جوہری توانائی پروگرام کی وجہ سے عالمی برادری میں مخالفت کا سامنا ہے جس کی وجہ سے ان دنوں ایران میں زعفران کا کاروبارمنافع بخش نہیںجس سے ایران میں زعفران کے کاشتکار بھی بے حد متاثر ہوئے ہیں ۔ ایران میںزعفران کے کاروبارکے مشہور ادارے زعفران روحانی کے CEO مہرداد روحانی نے CNN سے بات کرتے ہوئے بتایا کہ عا لمی برادری میں مخالفت کے بعد یورپ ،امریکہ اور کینیڈا میں ہمارے بنک اکاﺅنٹس بند ہو جانے کی وجہ سے زعفران کا کاروبار بری طرح متاثر ہوا ہے۔ان کا کہنا تھا کہ کاروبار کے لیے ہم متبادل زمینی زرائع جو بھی اپنائیں وہ کاروبار کے لیے اسطرح منافع بخش ثابت نہیں ہو سکتے جس طرح ہونے چاہئیںتاہم ایران پر عائد پابندیا ں ہٹ جانے کے بعد زعفران کے کاروبار میں اضافہ متوقع ہے۔