پشاور ( آن لائن ) وزیر اطلاعات شوکت یوسفزئی نے خیبرپختونخوا کے بلدیاتی انتخابات میں پی ٹی آئی کی شکست کو تسلیم کرتے ہوئے شکست کی وجہ مہنگائی کو قرار دے دیا۔ میڈیا سے گفتگو کرتے ہوئے شوکت یوسفزئی نے کہا کہ خیبرپختونخوا کے بلدیاتی انتخابات میں مہنگائی ہماری شکست کا باعث بنی ، وزیراعظم عمران خان کو مہنگائی کا احساس ہے امید ہے کہ اگلے دو،

تین مہینوں میں مہنگائی کم ہو جائے گی۔ شوکت یوسفزئی نے بلدیاتی انتخابات میں اپوزیشن کے جیت جانے پر شکر ادا کرتے ہوئے کہا کہ ہر الیکشن میں دھاندلی کا الزام لگایا جاتا ہے، شکر ہے کہ اپوزیشن جماعت جیت گئی اپوزیشن کہہ رہی تھی کہ دھاندلی کررہے ہیں اگر دھاندلی کرتے تو کیا ایسا ہوتا، حکومت ہماری ہے اور ہم نے دھاندلی نہیں کی کم از کم اس بات کو تو سراہا جائے۔بلدیاتی انتخابات کے پہلے مرحلے میں انتخابات کے نتائج پر غلطیاں ہیں دوسرے مرحلے میں نتائج پہلے سے مختلف ہو ں گے اور خامیاں ٹھیک کرنیکی کوشش کریں گے۔ شوکت یوسفزئی نے کہا کہ جمہوریت مستحکم ہونی چاہیے، پاکستان کی تاریخ میں اتنے بڑے انتخابات ہوئے، اسی لیے کہہ رہے تھیانتخابات غیر جماعتی بنیادوں پر کیے جاتے۔ انہوں نے کہا کہ مہنگائی وجہ بنی لیکن ایزی لوڈ یا کرپشن کا الزام نہیں لگا، جو منتخب ہوکر آئے انہیں فنڈ دیں گے، کوئی رکاوٹ نہیں ڈالیں گے، مہنگائی دنیا بھر میں ہوئی ،ہمارے یہاں طلب رسد میں فرق کی وجہ سے سے مہنگائی ہوئی