اسلام آباد ( آن لائن ) ملک بھر میں کورونا وائرس سے گزشتہ چوبیس گھنٹے کے دوران 5 افراد جاں بحق ہو گئے جبکہ مزید 303 افراد اس مہلک وباء سے متاثر ہوئے ہیں۔ کورونا سے جاں بحق افراد کی مجموعی تعداد 28 ہزار 709 ہو گئی ۔ کورونا کے ایکٹو کیسز کی تعداد 13 ہزار 719 ہے۔ ملک میں کورونا مثبت کیسز کی شرح صفر اعشاریہ آٹھ ایک فیصد ریکارڈ کی گئی ہے۔این سی او سی کے

مطابق وائرس سے متاثر 946 مریضوں کی حالت تشویشناک ہے۔ گذشتہ 24 گھنٹے کے دوران 36 ہزار 979 کورونا ٹیسٹ کیے گئے، اب تک ملک بھر میں 2 کروڑ 19 لاکھ 13 ہزار 668 کورونا ٹیسٹ کیے جا چکے ہیں۔ گذشتہ روز کورونا کے 172 مریض صحت یاب ہوئے جس کے بعد مرض سے نجات پانے والے افراد کی مجموعی تعداد 12 لاکھ 41 ہزار 761 ہوگئی ہے۔