اسلام آباد(نیوز ڈیسک) انسداد دہشت گردی کے نیشنل ایکشں پلان پر عملدرآمد کرنے والے پولیس حکام نے 115 مزید افراد کو واچ لسٹ میں رکھ دیا ہے جن کا تلعق کالعدم تنظیموں کے مدارس فیکلٹی سے ہے اور ان کی نقل و حرکت اور سرگرمیوں پر کڑی نظر رکھی جا رہی ہے ۔ میڈیا رپورٹس کے مطابق کا¶نٹر ٹیرازم ڈیپارٹمنٹ ( CTD) نے راولپنڈی سٹی پولیس آفیسر اسرار احمد عباسی کو خط لکھا ہے کہ وہ واچ لسٹ پر موجود افراد کی سرگرمیوں پر چیک رکھیں اور یہ دیکھیں کہ وہ خود ان مدارس سے الگ کر لیں اور ان سے یقین دہانی کرائیں کہ قیدیوں کے اچھے رویئے کو یقینی بنائیں ۔ دریں اثناءادارے سے تازہ ہدایات کی وصولی کے بعد ضلعی پولیس افسر نے ایسے تمام افراد سے ” شورٹی بونڈز “ جمع کرنے شروع کر دیئے ہیں جنہوں نے افغان جہاد کے دوران افغانستان میں تربیت حاصل کی ۔ دریں اثناء ایک سیکیورٹی افسر نے کہا ہے کہ ان 115 افراد کو کالعدم تنظیموں کے ساتھ رابطوں کی وجہ سے واچ لسٹ میں رکھا گیا ہے انٹیلی جنس اداروں کے مطابق اس وقت راولپنڈی ڈویژن سمیت 1256 مدارس ہیں جن میں سے صرف 507 رجسٹرڈ ہیں ۔