اسلام آباد (مانیٹرنگ ڈیسک)معروف صحافی رؤف کلاسرا نے پروگرام مدمقابلے میں بات کرتے ہوئے کہا کہ 92 نیو ز کے مالکان نے ن لیگ والوں کے میسیج دکھائے کہ
رؤف کلاسرا اور عامر متین کو ہٹا دو ان کو پروگرام نہ کرنے دو۔ انہوں نے کہا کہ مریم نواز نے 92 نیوز پر ان کا پروگرام بند کرانے کیلئے چینل کے دونوں مالکان پر قتل کے مقدمات درج کرائے۔ ان کاکہنا تھا کہ 92 نیوز کے مالکان میاں رشید اور میاں حنیف کے خلاف قتل کے پرچے درج کروائے گئے، ان کی فیکٹری میں کوئی حادثہ ہوا جس پر انہوں نے ڈپٹی کمشنر کو حکم دیا کہ مالکان کے خلاف قتل کے مقدمات درج کریں اور اس کی وجہ یہی تھی کہ مالکان ہمارا پروگرام بند کروائیں، اس موقع پر رؤف کلاسرا نے کہا کہ 92 نیوز کے مالکان کی فیملی پر رانا ثناء اللہ نے حملے کئے۔ ان کا کہنا تھا کہ اب ہمیں بتایا جاتا ہے کہ ہماری آزادی صحافت کی جنگ یہی مریم نواز لڑیں گی۔
