اسلام آباد (این این آئی)سابق سینیٹر ایوب آفریدی کو وزیراعظم عمران خان کا مشیر مقرر کردیا گیا۔صدر مملکت ڈاکٹر عارف علوی نے وزیراعظم کی سفارش پرایوب آفریدی کی تقرری کی منظوری دی۔کابینہ ڈویژن نے ایوب آفریدی کی بطور مشیر تقرری کا نوٹیفکیشن جاری کردیا۔
نوٹیفکیشن کے مطابق ایوب آفریدی وزیراعظم کے مشیر برائے اوورسیز پاکستانی ہوں گے جبکہ ان کا عہدہ وزیر مملکت کے برابر ہوگا۔خیال رہے کہ قبل ازیں پاکستان تحریک انصاف کے سینیٹر ایوب آفریدی نے اپنی نشست سے استعفیٰ دے دیا جسے چیئرمین سینیٹ نے منظور کرلیا۔
