لاہور( این این آئی)نامور اداکارہ عائزہ خان نے اپنے بالوں کو نئے اندازمیں سنوارنے کے بعد مداحوں سے ان کی رائے مانگی ہے۔اداکارہ نے باب کٹ ہیئراسٹائل میں زگ زیگ مانگ کے ساتھ دلکش تصویرشیئرکرتے ہوئے لکھا آپ جانتے ہیں کہ مجھے اپنے کالے لمبے بالوں پر فخرہے لیکن میں کچھ عرصے سے انہیں چھوٹا کروانے کا سوچ رہی تھی اور بالآخرمیں نے کچھ عرصے کے لیے ایسا کرلیا۔اپنے نئے انداز سے

متعلق فالووورز کی رائے جاننے کی خواہشمند عائزہ نے مزید لکھا لیکن مجھے آپ لوگوں کی ایماندارانہ رائے چاہیے، اس لیے تبصرہ کریں اور مجھے بتائیں ۔فالوورز نے اپنے تبصروں میں کہا کہ اداکارہ نے اپنے لمبے بال نہیں کٹوائے بلکہ یہ وگ ہے۔اداکارہ نے پوسٹ کے اختتام پر ہیش ٹیگ کے ساتھ یہ ہوئی نا ںبات بھی لکھا جس سے بعض صارفین کو یہ بھی محسوس ہوا کہ شاید وہ کسی پراڈکٹ کی تشہیرکررہی ہیں۔