لاہور( این این آئی)اداکارہ نادیہ خان نے کہا ہے کہ ویسے میرے بہت سے پسندیدہ اداکار ہیں لیکن دانش تیمور کے ساتھ کام کرنا میری پہلی ترجیح ہو گی ۔ایک بیان میں انہوںنے کہا کہ دانش تیمورایک با صلاحیت اور ذہین اداکار ہیں اور میری طویل عرصے سے خواہش ہے کہ میں دانش تیمور کے ساتھ کسی ڈرامہ سیریل میں کام کروں۔انہوں نے

کہاکہ نعمان اعجاز ،ہمایوں سعید ،فہد مصطفی اورعمران عباس بھی منجھے ہوئے اداکار ہیں اوروہ ہر طرح کے کردار بڑے اچھے انداز میں ادا کرنے کی صلاحیت رکھتے ہیں ۔انہوںنے کہا کہ میں معیاری کام کرنا پسندکرتی ہوںیہی وجہ ہے میں نے کبھی بھی دھڑا دھڑ پراجیکٹ سائن نہیں کئے لیکن جتنا بھی کام کیا ہے اسے پذیرائی ملی ہے ۔