لاہور(این این آئی )فیصل آباد ریجن کے نواحی علاقے کمالیہ میں جنسی درندے نے ظلم کی انتہاء کردی، 80 سالہ ضعیف العمر خاتون کے ساتھ مبینہ جنسی زیادتی کی گئی ،ملزم نے گلا گھونٹ کر قتل کرنے کی کوشش

بھی کی۔ ڈی ایس پی فضل عباس کا کہنا ہے کہ کمالیہ پولیس کی جانب سے فوری خاتون کا میڈیکل کروایا گیا ہے جبکہ نمونے لاہوربھیج دیئے گئے ہیں۔ایف آئی آر کا اندراج ہو چکا ہے، ملزم کو منطقی انجام تک پہنچایا جائے گا۔ اس حوالے سے کمالیہ ٹیم تشکیل دی گئی ہے جلد ملزم کو گرفتار کر لیا جائے گا۔ ملزم واقعے کے بعد سے فرار ہے، جس کی گرفتاری کیلئے پولیس نے چھاپے مارنا شروع کردیے ہیں۔ دوسری جانب ضلعی پولیس آفیسر فیصل آباد نے واقعے کا نوٹس لیتے ہوئے فوری رپورٹ طلب کی اور تمام قانونی تقاضے پورے کرتے ہوئے خاتون کو انصاف کی فراہمی کی ہدایت بھی کی۔

موضوعات:زیادتی