لاہور(آن لائن) لاہور ہائیکورٹ کے جسٹس شاہد وحید کی سربراہی میں دو رکنی بنچ نے تحریک انصاف کے جمشید اقبال چیمہ کے کاغذات نامزدگی مسترد کرنے کے خلاف درخواست پر سماعت سے معذرت کرلی،عدالت نے ریمارکس دیئے کہ ذاتی وجوہات کی بنا پر کیس کی سماعت نہیں کرسکتے، دو رکنی بینچ نے درخواست چیف جسٹس کو بھجوا دی تاکہ دوسرے بنچ کے روبرو سماعت کیلئے مقرر کی جاسکے، میڈیا سے گفتگو کرتے ہوئے جمشید چیمہ نے کہا چیف صاحب کو بنچ بنانے سے پہلے جسٹس شاہد وحید سے پوچھ لینا چاہئیے تھا، ہم الیکشن جیتنے جارہے تھے ،ہماری الیکشن مہم کا وقت ضائع ہورہا ہے،ٹیکنکل وجوہات کی بناپر الیکشن میں شمولیت سے روکا نہیں جا سکتا،ہمیں کوئی شک نہیں ہے ہم دوبارہ الیکشن جیت جائیں گے۔