دبئی (مانیٹرنگ ڈیسک) ٹی ٹوئنٹی ورلڈ کپ کے دوسرے سیمی فائنل میں آسٹریلیا نے ٹاس جیت کر پاکستان کو پہلے بیٹنگ کی دعوت دی، پاکستان کی جانب سے بابر اعظم اور محمد رضوان بیٹنگ کے لئے آئے۔ بابر اعظم نے پہلے ہی اوور میں شانداز اعزاز اپنے نام کر لیا۔ بابر اعظم اپنے پہلے ٹی ٹوئنٹی ورلڈکپ میں سب سے زیادہ رنز بنانے والے کھلاڑی بن گئے۔ بابر اعظم نے یہ اعزاز 269 رنز بنا کر حاصل کیا،اس سے قبل یہ اعزاز میتھیو ہیڈن کے نام ہے جنہوں نے 2007ء کے ورلڈ کپ میں 268 رنز بنا کر یہ اعزاز حاصل کیا تھا۔