اسلام آباد (آن لائن)پی ڈی ایم کے ترجمان حافظ حمد اللہ نے کہا ہے کہ پوری قوم کی دعائیں پاکستانی کرکٹ ٹیم کے ساتھ ہیں۔حافظ حمد اللہ نے قومی کرکٹ ٹیم کیلئے نیک خواہشات کا اظہار کرتے ہوئے کہا کہ پاکستان کرکٹ ٹیم بابر اعظم کی کپتانی میں ایک خاندان کی طرح متحد ہو کر میدان میں اتریں، ایمان اور یقین کے جذبے کے ساتھ قوم اور پاکستان کے لئے کھیلیں، پوری قوم کی دعائیں پاکستانی کرکٹ ٹیم کے ساتھ ہیں۔انشاء اللہ پاکستان جیتے گا۔ ان کا مزید کہنا تھا کہ عقابی روح جب بیدار ہوتی ہے تو جوانوں کو اپنی منزل آسمانوں میں نظر آتی ہے، ایمان سے بڑھتا ہر قدم کامیابی کی منزل کے قریب ہے، کرکٹ ٹیم یقین کے ساتھ آگے بڑھیں۔

موضوعات:حافظ حمد اللہ