اسلام آباد(مانیٹرنگ ڈیسک، این این آئی) وفاقی وزیر اطلاعات فواد چوہدری کا کہنا ہے کہ آج کا میچ جیت کرفائنل میں نیوزی لینڈ سے سکیورٹی کا مسئلہ بھرپورطریقے سے حل کرنا ہے۔پاکستان اور آسٹریلیا کے میچ سے متعلق گفتگو کرتے ہوئے فواد چوہدری نے کہاکہ آج دو بڑی
اورتگڑی ٹیموں کے درمیان مقابلہ ہے، پاکستان ٹیم جس شاندارکھیل کا مظاہرہ کررہی ہے ایسی کارکردگی بہت کم رہی ہے۔انہوں نے کہا کہ آج کا میچ جیت کرفائنل میں نیوزی لینڈ سے سکیورٹی کا مسئلہ بھرپورطریقے سے حل کرنا ہے اور آج کا میچ ضرور جیتیں گے، پوری قوم اپنی ٹیم کے ساتھ کھڑی ہے۔فواد چوہدری کا کہنا تھاکہ تمام کھلاڑیوں کے پاس سپراسٹاربننے کا موقع ہے، ٹیم کے 5 مختلف پلیئرزکو مین آف دی میچ کا اعزاز ملا ہے، اب دیکھتے ہیں چھٹے میچ میں کس کو یہ اعزاز حاصل ہوتا ہے۔وزیر اطلاعات نے کہا کہ وزیراعظم سے درخواست کی ہے کہ ہم فائنل میں پہنچے تو فائنل دیکھنے ضرورجائیں۔دوسری جانب مینز ٹی ٹوئنٹی ورلڈکپ 2021 کے پہلے سیمی فائنل میں انگلینڈ کے خلاف نیوزی لینڈ کی کامیابی کے بعد سابق ٹیسٹ کرکٹر شعیب اختر نے کہا ہے کہ نیوزی لینڈ نے 2019 فائنل کا بدلہ لے لیا۔ ایک انٹرویومیں انہوںنے کہاکہ 2019 میں جو نیوزی لینڈ کے ساتھ ہوا آج وہی انگلینڈ کے ساتھ ہوا۔سابق کپتان انضمام الحق کا کہنا تھا کہ مالان اور معین علی بہت سلو کھیلے، انگلینڈ نے شروع میں حملہ ہی نہیں کیا۔انہوں نے کہا کہ مورگن پہلے آتا تو یہ 200 کی وکٹ تھی، مورگن بہت تجربہ کار کپتان ہے، مگر عقلمندوں سے بھی غلطیاں ہوتی ہیں۔
