کراچی (این این آئی)سابق لیجنڈری کرکٹر وسیم اکرم نے کہا ہے کہ ویرات کوہلی تینوں فارمٹس میں بہترین کپتان رہے ہیں۔بھارتی میڈیا رپورٹس کے مطابق وسیم اکرم نے ٹی ٹوئنٹی کی کپتانی چھوڑنے والے بھارتی کرکٹر ویرات کوہلی کے لیے خصوصی پیغام میں کہاکہ بھارت کے ٹی ٹوئنٹی کپتان کے طور پر ویرات کوہلی

جیسے چیمپیئن کے لیے یہ بہترین فنشنگ تھی۔اْنہوں نے کہا کہ ویرات کوہلی تینوں فارمیٹس میں ایک لاجواب لیڈر رہے اور اْن کے آخری میچ میں بھی ہم نے اْن کی قیادت دیکھی جوکہ شاندار تھی۔وسیم اکرم نے کہا کہ ویرات کوہلی نے نیمیبیا کے خلاف بھی اپنی ٹیم کی نمائندگی بہت زبردست کی جوکہ قابلِ تعریف تھی۔