کراچی(این این آئی)انڈس موٹرز کمپنی نے صارفین پر ایک اور بم گراتے ہوئے گاڑیوں کی قیمتوں میں ایک لاکھ چالیس ہزار سے پانچ لاکھ اسی ہزار روپے تک اضافہ کردیا ہے۔تفصیلات کے مطابق انڈس موٹرز نے اپنی مختلف گاڑیوں کی قیمتوں میں ایک لاکھ چالیس ہزار سے پانچ لاکھ اسی ہزار روپے تک اضافہ کردیا ہے۔کمپنی ذرائع کا کہنا ہے کی روپے کی بے قدری اور فریٹ چارجز میں اضافے کی وجہ سے یہ فیصلہ ناگزیر تھا۔نئی قیمتوں کا اطلاق یکم جنوری سے ہوگا۔ذرائع کے مطابق ٹویوٹا یارس کی قیمت میں ایک لاکھ چالیس ہزار سے دو لاکھ،کرولا کی قیمتوں میں ایک لاکھ 90 ہزار سے 2 لاکھ 10 ہزار،ٹویوٹا ہائی لکس کی قیمت میں دو لاکھ سے چار لاکھ اور فورچیونر کی قیمتوں میں پانچ لاکھ سے پانچ لاکھ اسی ہزار روپے اضافہ کیا گیا ہے

موضوعات:انڈس موٹرزکمپنی