اسلام آباد ( آن لائن) بڑھتی ہوئی مہنگائی کے خلاف حکومت کے خلاف فیصلہ کن احتجاجی تحریک کے حوالے سے 13 نومبر کو کراچی میں پی ڈی ایم کی بڑی ریلی کا اعلان کر دیا گیا ہے ۔پاکستان ڈیموکریٹک موومنٹ کے سربراہ مولانا فضل الرحمن اس احتجاجی ریلی کی قیادت کریں گے
جس میں پی ڈی ایم میں شامل تمام جماعتوں کے مرکزی قائدین بھی شرکت کریں گے اور ریلی سے خطاب بھی کریں گے ۔مولانا فضل الرحمن اسلام آباد پہنچ چکے ہیں اور وہ کل جمعرات 11 نومبر کو پی ڈی ایم کی سربراہی اجلاس کی صدارت کریں گے جس میں حکومت مخالف احتجاجی تحریک کو حتمی شکل بھی دی جائے گی اور لانگ مارچ کی تاریخ کا اعلان بھی متوقع ہے ۔مولانا فضل الرحمن12 نومبرکو کراچی جائیں گے جہاں وہ ایک شادی کی تقریب میں شرکت کریں گے اور 13 نومبر کو پی ڈی ایم کے دیگر قائدین کے ہمراہ کراچی میں حکومت مخالف احتجاجی ریلی کی قیادت کریں گے جس کی تیاریوں کا آغاز کر دیا گیا ہے ۔
