لاہور(مانیٹرنگ ڈیسک)سیشن عدالت نے پلاٹ پر قبضے کے معاملے میں صوبائی وزیر میاں محمود الرشید سمیت دیگر کے خلاف قانون کے مطابق کارروائی کا حکم دے دیا۔نجی ٹی وی کے مطابق ایڈیشنل سیشن جج نے صوبائی

وزیر اور دیگر کے خلاف شہری کی درخواست پر حکم جاری کیا۔درخواست گزار عابد انصار کی جانب سے دائر درخواست میں موقف اختیار کیا گیا تھا کہ محمود الرشید سمیت 9 افراد نے مصطفی ٹائون میں اس کے ایک کنال کے پلاٹ پر قبضے کی کوشش کی اور اسے جان سے مارنے کی دھمکیاں دیں۔درخواست گزار نے استدعا کی کہ عدالت محمود الرشید سمیت دیگر کے خلاف مقدمہ درج کرنے کا حکم دے۔عدالت نے ایس ایچ او مصطفی ٹائون لاہور کو درخواست گزار عابد انصار کا بیان ریکارڈ کرنے کا حکم دیا اور اپنے فیصلے میں کہا کہ اگر ایس ایچ او سمجھے کہ قابل دست اندازی جرم ہے تو محمود الرشید سمیت دیگر کے خلاف مقدمہ بھی درج کیا جائے۔عدالت نے حکم دیا کہ تفتیشی افسر تحقیقات میں الزامات درست ثابت ہونے پر ملزموں کو گرفتار بھی کیا جائے۔