راولپنڈی (این این آئی)پنجاب حکومت غریب خواتین کی فلاح و بہبود اور انہیں باعزت روزگار کی فراہمی کے لیے رواں برس54 ہزار مویشی مفت تقسیم کرے گی ۔محکمہ لائیو سٹاک و ڈیری ڈویلپمنٹ پنجاب کے مطابق ملک میں گوشت کی ضروریات پوری کرنے کے ساتھ ساتھ ضرورت مند غریب خواتین کی بہبود کے لیے حکومت نے رواں برس خواتین میں 54000بھیڑ ،بکریاں اور ویہڑیاں و جھوٹیاں تقسیم کی جائیں گی ۔ان مویشیوں کی افزائش نسل کر کے غریب خواتین باعزت روزگار کما سکیں گی اور ملکی سطح پر دودھ اور گوشت کی ضروریات پوری کرنے میں معاونت مل سکے گی ۔