اسلام آباد (مانیٹرنگ ڈیسک) پاکستان کے سابق معروف کھلاڑی شعیب اختر نے نجی ٹی وی سے گفتگو کرتے ہوئے آصف علی کے لئے تعریفوں کے پل باندھ دیے، ان کا کہناتھا کہ آصف علی ٹی ٹوئنٹی کا سب سے بڑا کھلاڑی ہے لیکن ہم نے اسے استعمال نہیں کیا، آصف علی بہت اچھا کھیل رہا ہے، آصف علی نے اپنا لوہا خود منوایا ہے، شعیب اختر نے کہا کہ آصف علی آج کے دور کا عبدالرزاق اور شاہد آفریدی ہے۔ واضح رہے کہ آصف علی نے پاکستان کی فتح میں اہم کردار ادا کیا انہوں نے سات گیندوں پر 25 رنز بنائے اور ایک ہی اوور میں چار چھکے لگا کر پاکستان کو فتح سے ہمکنار کرایا۔