سرینگر(آن لائن) بھارتیوں سے ایک بار پھر سچائی برداشت نہ ہو سکی، مقبوضہ کشمیر کو متنازع علاقے کہنے پر ناراض ہو گئے اور سپر مین سے بھی پنگا لے لیا۔امریکا کی اینیمیٹڈ فلم ’انجسٹس‘ میں مقبوضہ جموں و کشمیر کو ’متنازع علاقہ‘ دکھانے پر بھارتی شہریوں سے برداشت نہ ہو گیا

اور ٹوئٹر پر اینٹی انڈیا سپر مین کا ہیش ٹیگ چلا دیا۔19 اکتوبر کو ریلیز ہونے والی فلم ’انجسٹس‘ کے ایک سین میں ’سپر مین‘ اور ’سپر وویمن‘ کو مقبوضہ کشمیر میں جنگی سامان کو تباہ کرتے ہوئے دکھایا گیا ہے۔اس سین میں ’کشمیر‘ سے متعلق ’متنازع علاقے‘ کا لفظ بھی سنا جا سکتا ہے ، جبکہ سین کے آخر میں اسرائیل کا جھنڈا دکھایا گیا ہے۔سین کے بعد بھارتی لوگ غصے میں آگئے اور سوشل میڈیا پر فلم کو عالمی سازش ہی قرار دے دیا۔کئی صارفین نے مقبوضہ کشمیر کو بھارت کا حصہ قرار نہ دیے جانے پر ڈی سی کامکس اور ڈی سی فلم پروڈکشن ہاوس کے خلاف ٹوئٹس کیں اور کمپنی کے بائیکاٹ کے ہیش ٹیگ بھی استعمال کیے۔کچھ صارفین کا کہنا ہے کہ کسی کو بھی بھارت کے اندرونی معاملات میں دخل دینے کی ضرورت نہیں، یہ بھارت کی جمہوریت کے خلاف ہے۔ڈی سی کامک اور پروڈکشن کے خلاف ٹوئٹس کرنے والے افراد میں بی جے پی کے کئی رہنما بھی شامل ہیں۔