لندن (این این آئی)وزیراعظم عمران خان کی سابقہ اہلیہ جمائما گولڈ اسمتھ نے شادی بیاہ پر چلانے کے لیے بہترین پاکستانی پاپ گیت کے بارے میں سوال پوچھ لیا ۔مائیکرو بلاگنگ ویب سائٹ ٹوئٹر پر اپنے پیغام میں جمائما نے سوال کیا کہ شادی پر چلانے کیلئے آج کل پاکستان کا بہترین پاپ گانا کون سا ہے؟ان کے اس سوال پر ٹوئٹر صارفین کی جانب سے بھی دلچسپ تبصروں کا سلسلہ شروع ہوگیا ۔ کسی نے کہا لٹھے دی چادر گائیں، کسی نے تبدیلی آئی رے گانے کا مشورہ دیا تو کسی نے ووٹ کو عزت دو والا گانا چلانے کی فرمائش کر دی۔جمائما سے ایک سوال یہ بھی پوچھا جارہا ہے کہ آخر شادی کس کی ہے؟واضح رہے کہ عمران خان کے بیٹے سلیمان کی عمر 25 سال اور قاسم کی عمر 22 سال ہے۔