اسلام آباد (این این آئی)وزیراعظم عمران خان نے اشاعت اسلام اور مسلمانوں کی نشاۃ ثانیہ پر بنائی گئی ویڈیو کو سراہا ہے۔ اپنے ایک ٹوئٹ میں وزیراعظم عمران خان نے مختصر وقت میں اس ویڈیو کی تیاری پر اپنی ٹیم کے جذبہ اور لگن کی تعریف کی۔ ویڈیو میں عالم اسلام کے آغاز سے عروج اور اس کے زوال کی تاریخ کو دکھایا گیا
ہے۔ وزیراعظم نے اس بات پر زور دیا ہے کہ ہمارے نوجوانوں کو اس ویڈیو کو سمجھنے کی ضرورت ہے۔ ویڈیو میں حضور نبی اکرمﷺ کی قائم کی گئی ریاست مدینہ، اسلامی معاشرہ کے اصولوں اور مسلمانوں کے عروج اور مختلف شعبوں میں ان کی خدمات کو اجاگر کرنے کے ساتھ نشاۃ ثانیہ کیلئے اقدامات اور زوال کے اسباب کا بھی ذکر کیا گیا ہے۔
