کراچی(این این آئی)سربراہ پاکستان سنی تحریک سنی تحریک محمد ثروت اعجاز قادری نے کہاکہ عوام کو آئی ایم ایف کی شرائط پر بھوک وافلاس کی طرف دھکیلا جارہا ہے ،معاشی استحکام کی بجائے آئی ایم ایف کے اشاروں پر ملک کو چلایا جارہا ہے ،غریب بھوک وافلاس سے مررہے ہیں حکومت مہنگائی پر مہنگائی کے پروانے جاری کررہی ہے ،
غریب عوام کا دیوالیہ نکل گیا اور آئی ایم ایف مہنگائی کا حکمرانوں کو مزید اشارہ دے رہی ہے ،بجلی اور پیٹرول کی قیمتوں اور ضرورت اشیا میں باربار اضافہ حکومت کیلئے بھی سوالیہ نشان ہے ،عید میلاد النبی ؐ کے موقع پر حکومت کو مہنگائی کم کرنے کا پیغام دینا چاہیے تھا مگر اس کے بر عکس مہنگائی کا اشارہ دیا جارہاہے جو مظلوم غریب پر مہنگائی کا بم مارنے کے مترادف ہے ،عید میلاد النبی ؐشایان شان طریقے سے منائینگے ،11اور 12ربیع الاول کو ملک بھر میں بجلی کی لوشیڈنگ ختم کی جائے ،میلاد جلوس وریلیوں کو مکمل سیکیورٹی فراہم کی جائے ،آقا کریم ؐ تمام عالم کیلئے رحمت ہیں ،رحمت اللعالمین کا ولادت مناکر ملک سے اندھیروں کو خاتمہ کرینگے ،ملک میں تمام نظام ناکام ہوچکے عوام کو عدل ملا نہ ہی بنیادی حقوق مایوسیوں کو فروغ مل رہا ہے ،نظام مصطفی ؐ واحد نظام ہے جس میں تمام مسائل کا حل عدل وانصاف اور معاشی ترقی غریبوں کو بنیادی حقوق مہیا ہونگے ،ان خیالات کا اظہار انہوں نے مرکز اہلسنت سے جاری ایک بیان میں کیا ،ثروت اعجاز قادری کا کہنا تھا کہ عید میلاد النبی ؐ کے جلوسوں میں کسی بھی قسم کی رکاوٹ برداشت نہیں کرینگے ،سرکاری سطح پر صوبوں اور وفاق میںمیلاد مصطفی کانفرنس کا انعقاد کیا جائے ،انہوں نے کہا کہ پاکستان اسلام کینام پر معرض وجود میں آیا بدقسمتی سے 74سال گذر جانے کے باوجود ملک میں اسلامی نظام کا نفاذ نہیں ہوسکا ،سیاسی ومذہبی جماعتوں کو ایک ہوکر نظام مصطفی ؐ کے نفاذ کیلئے کام کرنا ہوگا تاکہ ملک میں جلد نظام مصطفی کا نفاذ ہوسکے ۔
